Gruesswort vom OK

Am 13. & 14. Juni findet s Glygge-Grimpeli 2020 – wie in de letschte Joor uff dr Schützematte – statt.

Mit vyyl Fraid und Enthusiasmus wärde denn wiider d Glygge und d Gugge in de Kategorie Pampers, Binggis, Jungi, Maitli, Schutter, Gmischti und Plausch mit- und gegenenander um jede Ball kämpfe. Aber au Zueschauer und Gescht sin häärzlig willkomme.

Eppis bsunders isch dissjoor, dass am Wuchenänd vom Glygge-Grimpeli au d Fuessball-Europamaischterschaft aafoot. D UEFA het dr Matsch Wales-Schweiz am Samschtig Noomidaag aagsetzt. Mir wärden also dr Spiilbetriib uf die drei underbräche dermit mir an verschiidne Screen zämme unseri Nati kenne aafyyre! Firs lyyblig Wool isch denn nadyyrlig, wie au sunscht an däm Wuchenänd, dur unsere groosse Feschtbetriib beschtens gsorgt.

Mir Opti-Mischte fraien ys uf e sportlig und gsellig Wuchenänd mit Eych!

Mälded Eych aa!
Gärn informiere mir Eych, wien Iir Eyer Gschäft an däm Groossaaloss, vo erwartete iber 600 SportlerInne, ZueschauerInne und Gescht, präsentiere kenned.

Nadine Meyer und Tom Schoder
OK-Präsidium Glygge-Grimpeli 2020

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.