Liebi Fasnächtler:inne
Noo 2 Joor Abschtinänz isch es ändlig wider sowit: Am 18. & 19. Juni findet s Glygge-Grimpeli 2022 – wie in de frienere Joor uff dr Schützematte – statt.
Mit vyyl Fraid und Enthusiasmus wärde denn wiider d Glygge und d Gugge in de Kategorie Pampers, Binggis, Jungi, Maitli, Schutter, Gmischti, Alti Garde und Plausch mit- und gegenenander um jede Ball kämpfe. Aber au Zueschauer und Gescht sin häärzlig willkomme.
Firs lyyblig Wool isch nadyyrlig an däm Wuchenänd dur unsere groosse Feschtbetriib beschtens gsorgt.
Mir Opti-Mischte fraie-n-ys uf e sportlig und gsellig Wuchenänd mit Eych!
Mälded Eych aa! Gärn informiere mir Eych, wien Iir Eyer Gschäft an däm Groossaaloss, vo erwartete iber 1000 Sportlerinne, Zueschauer:inne und Gescht, presentiere kenned.
Nadine Meyer und Tom Schoder
OK-Präsidium Glygge Grimpeli 2022